第一站：兒童之國
好明顯這個景點是為了麵包囡而設的，在旅遊書上看到很多為小朋友而設的遊戲場所及好大遍的花海，所以今天一早便出發來到位於青島的兒童之國。當GPS帶我們來到這個地方時還以為是去錯地方，因為門口個牌寫著 Golf Course，一個打哥爾夫球的地方？但當去到售票處才知道這個兒童之國分為兩部分的，前半部分是打 Golf 的，而後半部分便是兒童之國。
入場費為 400円，而每個項目都要再俾錢的。
當麵包囡遇上麵包超人時.............
當麵包一家遇上咁多麵包超人角色時............
兒童之國其中一個部分主要是一些給兒童遊玩的，這個部分更有火車軌圍著，當有人乘坐這架火車時，入口和出口便會落閘讓火車仔通過，可能麵包囡還細，有很多東西都唔啱玩，加上要俾錢，所以我們只玩了麵包超人碰碰車。
離開了這個兒童樂園部分之後發現有一個游泳池啊，對於咁喜歡玩水的麵包囡就更係唔放過啦.......立刻除了鞋仔、除了褲仔就落水啦。最重要這個泳池係免費的。
玩咗真係好耐，由於太曬，我驚麵包囡會曬到病，所以就諗住起程去下一個景點，點知...............又係喊到飛起，唔肯走呀！
在泳池隔離有一條小型賽車的賽道，原本我諗住一家大細去玩一玩的，但麵包媽擔心麵包囡有危險，最終都只係有得望冇得玩。Bye Bye 啦小型賽車。
第二、三站：鬼之洗濯板、 青島神社
第二及三站其實是在同一個地方，去 青島神社 係必須經過 鬼之洗濯板 的。由兒童之國駕車到 鬼之洗濯板 只不過是十分鐘內的車程。 鬼之洗濯板 是自然的景像，看看海水侵蝕而成的石塊，非常有趣，因為遠睇好似一塊洗衫板。
當睇鬼之洗衫板時行行下就會見到一個紅色的島居，這個鳥居就係青島神社的入口。
可能全日都太熱啦，麵包媽及麵包囡己經曬到很累，再沒有氣力再走入去青島神社，咁唯有我自己入去睇睇，拍個照啦！
青島神社與其他神社不同之處是它以紅色為主，望落都幾醒神，而其他的就與一般的神社差不多。
而一般神社供參拜者洗手的這個東西，在青島神社也有還很型仔添呀，因為有龍好靚0既龍在噴出清涼的水啊！
還有這個，把參拜者的祝福木牌整整齊齊的吊起來，望落都好靚！
當我們返回取車時，在路途之中見到有一對情侶在影結婚相，他們更穿著傳統的和式衣著，見到咁靚就梗係影下來啦。
我哋同佢講我哋係來自 Hong Kong，想同佢哋合照，佢哋一口便應承，更交足戲添！
影完之後就出發去食午餐啦.............
沒有留言:
張貼留言