第一站﹕久住花公園
這個景點是在旅遊書上看到的，書中介紹這個久住花公園四季都種有不同的花，是一個超級大花園，美麗非常，由於麵包媽很喜歡看花，所以我們一早第一個景點就來了久住花公園。
當我哋買飛入場時，售票員講了一個壞消息給我們知，就是因為受到之前的水災所影響，花開得不是太好，並且有一部分的花園也關閉了，我們商討了一陣，就決定不入場了............唉！遠道而來，怎料發生這樣的情況，冇辦法啦，唯有在門口影幾張相吧！到此一遊。
唯有早一點出發去下一個景點吧！阿蘇熊牧場~~~
嘩！大家睇睇個GPS顯示的路線，好多彎呀！作為駕駛員0既我，真係要小心一點。
由久住去阿蘇必定會經過一個好有趣的地方，就是下面這個............
我上網睇，每個經過這裡的，都會落車拍個照才繼續行程的，所以我們都跟大家一樣落車拍個照。
第二站﹕阿蘇熊牧場
去阿蘇熊牧場可以話難關重重，差點就放棄不去了。究竟發生了什麼事？當我跟住個 GPS 條路行到一半的路程時，就發覺此路不通，因為多了路障，我便立刻想到應該是因為早前的水災所影響導致爛路，因為在香港時已知道阿蘇是重災區之一，咁唯有改過另一條路啦，點知行咗大約十五分鐘之後發覺又有路障，跟住我哋就立刻問問0個位守住路障的工作人員怎樣走，佢用了不是太好的英文說﹕「轉左、轉左、轉右再轉右」，咁我就照跟，點知..................我駛入了一條不知名的路中，其實我都唔知可否稱為路，事後想返我才知驚，若在這條路中途出事，真的不知怎好，因為方圓百里都冇人的只有草，到我駛出了恐怖路段之後才發現是掘頭路，唉！又要硬住頭皮走回頭路，當我出返正常的馬路之後我們決定放棄，搵嘢食吧！但聰明的麵包媽立刻上網去熊牧場的網頁一看，原來有三條路封閉了，要兜一條長少少的路才能到逹。
在午膳時，我們商討究竟還去不去阿蘇熊牧場呢？最後，我在想我哋咁難得由香港過來九州，也為了見一見阿笨與阿占，我哋麵包一家決定再試一試，阿笨、阿占...........我哋嚟啦！
幾經辛苦，經過一小時的車程，我哋終於都到達阿蘇熊牧場啦！麵包媽及麵包囡立刻影返張靚相先。
整個熊牧場都以阿笨與阿占作為宣傳的吉祥物，到處都可以看到牠兩位的 Poster 及宣傳板。
這個就是阿蘇熊牧場的正門入口啦。
原來阿笨與阿占唔係日日都會出現0架，佢哋都有休息時間，咁又係，佢哋而家咁紅，梗係要放下假休息啦。以下就係佢演出的時間表。
入去熊牧場除了睇兩位動物名星之外，其實還有其他動物的，好似大灰熊、超大老鼠、鸚鵡等，所以入場費都唔平0架，一個人都要2300円。
整個熊牧場其實都幾大，由於太熱，我哋都冇行哂呀！
我手上0既係咩？就係一啲麵包皮，係用嚟餵俾啲大黑熊、大灰熊的。只要俾 100 円，可以任攞一次，好似必勝客的沙拉吧一樣。
原來一隻熊企高之後可以咁高0架...............睇吓麵包囡，佢只係同隻熊腳一樣高咋！
睇完熊之後就去咗睇阿笨與阿占的唔知咩劇場，因為我驚會有好多人排隊，所以早一點去排定！
終於入到去場館入面，簡直係天堂與地獄呀，因為入面冷氣好夠勁，所以真係唔想出返去。由於場館入面在開場時不準拍攝，所以在開場前同麵包囡來個合照先。
個劇其實我唔知佢講咩，但有啲動物攪笑都幾好笑，總的來說...........好睇！當整個劇完結後，阿笨、阿占及爸爸會有拍照時段，每次 1000円，我哋經過咁多困難才嚟到，梗係影啦。
我哋入去影0既時候個工作人員同我哋講﹕「Don't touch! No eye contact !」，麵包媽聽到佢咁講之後立刻好驚，佢驚阿笨會突然撲過來啊。我諗阿笨應該係唔好老皮的，阿占就應該唔會啦，因為佢由頭到尾我都只係見到佢瞓係架車位度，真係 Lazy Dog！
臨走前仲可以俾隻鸚鵡企係我隻手度影相呀，我想咗好耐0架啦，終於做到啦，超開心！
待續...............
沒有留言:
張貼留言