麵包一家的旅程: 麵包一家九州之旅

第三天的行程﹕

リバーサイドホテル山水館 --> 金鱗湖 --> 湯之坪街道 --> 別府 (YouMe) --> 別府ホテル清風

第一站﹕金鱗湖

今天主要的景點都是在湯布院，湯布院是位於大分縣的由布巿，湯布院是一個溫泉鄉，不過今次我冇住在湯布湯裏，只是逛逛街便算了。

起初還擔心泊車的問題，但當我一去到金鱗湖入口，便有一個室外停車場，正！唔駛搵餐飽，仲要係300円全日泊，讚呀！

當我落車之後，心想只要跟住路牌應該可以去到金鱗湖吧！怎料路牌所指示的方向竟然封阻了，怎麼辦？唯有搵搵另一條路吧，左兜右兜之後，終於去到啦！但我感覺有點兒不妥，因為這個景點怎會這麼少人呢？當我行近一點時，有一個牌用紅色字寫著一些日文，當然我不懂日文，但我應該估到當中所表示的，因為在這堆日文中有「瀑雨」兩個字，加上湖邊有幾個工人在維修，我便立刻知道，金鱗湖應該是受到早前的水災所影響，現在暫時封閉！

噢！咁辛苦來到冇得睇，唯有在湖邊影返幾張相留個念，到此一遊吧！

睇唔到湖，麵包一家便到金鱗湖附近的商店逛逛，我哋入到去就不斷試食，日本啲零食真係幾好味！

我哋行行下見到其中一間店有個女職員著住和服又幾靚女，便問問佢可否一齊合照，當地人都好和藹可親，佢當然係答應啦。好！咁爽快，我就俾佢同麵包囡影返張合照啦。

第二站﹕湯之坪街道

其實由金鱗湖行過去湯之坪街道係好近，只不過五分鐘路程，不過由於第一次去，唔係好識路，一路行一路睇住個 GPS，估下估下就去到啦！湯之坪街道係一條小小的街，兩邊滿佈了特色店舖。很多旅遊書也有介紹。

湯之坪街道真有特色，有不少商舖外都擺放了一些古舊東西，睇睇相就知0架啦！左邊嗰個係俾遊客隨時享用的手湯，我當然都唔執輸浸一浸手湯啦。

逛逛下竟然俾我發現咗佢......................嘩！係佢啦，大家睇到未？將你0既視線向右移...........

Yeah！麵包超人真係遍佈全日本呀，每到一個地方都可以搵到佢。

麵包囡梗係忍不住行過去打聲招呼啦 ~~~

湯之坪街道其中一個我好想去0既景點就佢，店裏擺放咗好多宮崎駿電影系列0既商品！

不論店內或店外都很用心到去佈置，非常有特色！

我相信到過這舖的人都會在這個「巴士站」拍照留念。

龍貓巴士站隔離還擺放咗一盆水，水裡放咗「波兒」的沖涼玩具，麵包囡又係玩到唔捨走！

終於行到這裡..............湯布院名物！B-speak 卷蛋，我在網上看過的 Blog 裏，只要他們有到過湯布院，就一定買來食，所有人都對這裏的卷蛋讚不絕口，而所有介紹湯布院的旅遊書中也必然介紹 B-speak 卷蛋，我怎能不試，加上麵包媽最鍾意食甜品，所以我哋決定訂了兩個，行完街才返來帶走。