福岡Yahooo! Japan Dome 又稱福岡巨蛋，係日本職棒隊「Soft Bank Hawks」的總部，而 福岡Yahooo! Japan Dome 的附近就是 Hawks Town Shopping Mall，這裏真係必去的地方。
去到巨蛋的附近時發覺越來越多著住棒球衫的人朝著巨蛋方向進發，當到達了之後我們才知道今天原來有棒球比賽舉行呢。正呀！我以往只能在電視裏才能看到的棒賽，今天終於可以做現場觀眾，入去睇返場棒球賽啦！而且一場棒球賽最平的門票只係1800円，絕對超值！
買了門票之後我哋一家都好興奮，因為這次是我們第一次入場睇棒球比賽。
行行下見到一個日本小朋友著住一件棒球球衣，我覺得好靚好有趣，所以我哋都決定買返一件俾麵包囡，支持一下球隊！
入場啦！我連打氣棒棒都買埋，真係好認真呀。
入到場館等我哋著返件棒球衫影返張相先入去吧！但當我入到去先至發覺我買的那一件是客隊的，麵包囡那件是主隊的，唉.............真大頭蝦，買錯了客隊球衣！不過唔緊要啦，我都係想感受一下睇現場的氣氛啫！
好正呀！雖然係山頂位，但現場氣氛搭夠。
日本人真係好喜歡睇棒球，也很熱愛他們的球隊，佢哋會一邊睇一邊唱著歌，我估應該係主隊的隊歌。而我看見其中一部分是客隊的粉絲，雖然是作客，但仍然很落力打為球隊打氣，嗰個啦啦隊隊長由一開始一路嗌到尾，真係不簡單，還有一隊好似銀樂隊在奏樂添呀！
這個是主隊球隊的手勢，場內到處都是劃上這個雙 V 手號呢。
非常好睇，不經不覺已睇咗三小時比賽啦，一啲都唔悶。整場比賽總比數係 2﹕10，主隊勝出，出現咗三個全壘打，都是由主隊球員做出的；兩次成功的盜壘。恭喜主隊。
這個巨蛋實在太靚啦，所以睇完棒球賽之後都忍不住再多影幾張相。
再同主隊球衣及主隊場地影返一張！
睇完球賽之後就順道去一去隔離的 Hawks Town Shopping Mall 逛逛，睇睇有沒有什麼抵買的東西！
這裏的玩具反斗城竟然有咁多麵包超人東西，最衰行李已沒有太多空間，否則我一定會買很多麵包超人的東西。
第六站：天神地下街
由於天雨關係，我哋就去行一行旅遊書介紹的天神地下街，這條地下街非常之長，連接了兩個的 JR 站，若要行完整條地下街，我相信要一個下午，所以我們行了大約三分之一便放棄了。
行完天神地下街，我們就走到地面上的一間 Loft 逛，逛了一陣便起程回酒店，因為明天就要回香港，所以我們就決定由天神走路行返博多，跟九州說再見了。
第六站：天神地下街
由於天雨關係，我哋就去行一行旅遊書介紹的天神地下街，這條地下街非常之長，連接了兩個的 JR 站，若要行完整條地下街，我相信要一個下午，所以我們行了大約三分之一便放棄了。
行完天神地下街，我們就走到地面上的一間 Loft 逛，逛了一陣便起程回酒店，因為明天就要回香港，所以我們就決定由天神走路行返博多，跟九州說再見了。
沒有留言:
張貼留言