位於佐賀縣的 鳥栖 Premium Outlet 是全九州規模最大的 outlet mall，與東京的御殿場的 outlet 屬同一集團。聽到咁0既介紹又點可以唔嚟 鳥栖 Premium Outlet 逛一逛呢？這天也是我哋一家的 Shopping Day。
這個 Outlet 好大，連停車場都有好幾座，每一座還要有好幾層，真係唔驚冇位泊車呀。我泊完車之後都要影返張相以便我記得怎樣走返來取車。
先睇睇個水牌先，要部署一下每站的順序，以便我哋在有限的時間裏行完想行的商店。
因為由雲仙到 鳥栖 Premium Outlet 要 2 小時車程，所以當我哋到達 鳥栖 Premium Outlet 時已經到了中午時段，因此我哋決定先醫飽個肚仔先，整個 Outlet 的中間位置是一個好大的 Food Court，我哋立刻去醫肚囉。
麵包媽叫了一碗拉麵，而我就叫了一碗走地雞飯。我手裏拿著的是什麼，你估下.........................我想信都好難估，我都係第一次用咋。我手上的是一個電子牌，當 Order 了食物之後，由於需要等候，店員會俾一個電子牌你，當食物預備好了之後，電子牌會發出聲響及震動起來，讓我知道可以取食物了，好先進呀！
食飽飽之後就開始作戰啦！第一間去0既就係在 Food Court 附近的 adidas，一入到去就已經讓我們瘋狂了，因為佢做緊 Time Sale，在只定的時間裏全部貨品六折發售。
Time Sale 係由 12:30 ~ 2:30，我哋入去0既時候就已經係2:00 啦，真係要把握時間。日本人真係好準時，個鐘到了 2:30 時，啲售貨員就立刻開始收埋啲 Time Sale 牌，我見到咁0既情形就立刻帶埋我0既戰利品排隊俾錢。
仲有好多好多商店，我都唔一一介紹啦，要趕住作戰呀~~~~
Outlet 真係好體貼我們做父母的，在 Outlet 的一角有一個給小朋友玩的小 Playground，可以讓我哋專心購物。今次就等我犧牲我0既購物時間陪麵包囡玩，讓麵包媽可以專心大作戰啦。
這些都是我哋在 Outlet 的戰利品之一。
離開 Outlet 之後我哋就返回福岡歸連戰車啦，我哋終於環繞咗九州一個圈了。
Budget 這間租車公司真係又平又服務好，下次若果再次到日本自駕，我都會搵返佢。
待續...............
沒有留言:
張貼留言