在路途中，遇見幾個好高大的公仔，好有趣，所以我便落車拍了幾張相。日本人真係好有心，無端端可以在路旁造幾個咁大的公仔。其實啲公仔係用來做咩呢？
住宿﹕杜の宿 ﾎﾃﾙ四季見 (23000円)
四季見係一間好特別的旅館，一到步之後佢帶我哋到一間和式的房間，地方都算寬敞，我們便立刻換件浴衣落去澡返個靚涼及浸一浸溫泉。
而晚餐係在房間裏進行的，服務生把餐送入來房間，這對我們來說是很好的，因為不拍麵包囡會走來走去騷擾其他人。在右邊的相片中，嗰支竹係裝有一些日本酒的啊，還是熱的，最衰我唔係咁好飲酒，否則應該會好開心！
食完晚飯之後就到這旅館的賣點項目，就是帶我們到高千穗神社睇歷史悠久的「夜神樂」。旅館有小巴載我們到高千穗神社，而我們每位俾 500 円便能在神社裡觀賞夜神樂的表演。
都好多人去睇啊！而大部分都是日本人呢。坐咗大約 15 分鐘就有一個主持走出嚟，用日文講咗一堆嘢之後就正式開始夜神樂啦。
總共有四個劇目，由於都係用日文介紹所以我們真的不知道在做緊什麼，只是看著這幾個日本面具友跳一些傳統舞蹈。
第二個劇目
第三劇目
而第四個劇目主要係講飲醉酒的，而又係最攪笑的一幕，再加上主角們會走到台下與觀眾同樂，所以係最好睇的一個劇目。
眾演員們出來謝幕 ~~~
睇完夜神樂之後，旅遊巴便載一眾人回到旅館，怎料最驚喜的事情發生了。我們由原本的普通和式房間轉到了一間和式的獨立屋啊！仲要係超靚的呢，這間獨立屋連一向高要求的麵包媽也讚不絕口。
這是客廳！
這是在客廳隔離的睡房！
跟住就係超大的浴室
浴室隔離的廁所
這是獨立屋外圍的環境！
而早餐方面，他們安排了一間很大的房間給我們進行早餐，麵包囡又可以周圍走啦！
而這是我們豐富的日式早餐。
總的來說，溫泉並不是太過出色，我相信賣點不是溫泉，而獨立屋就真係一流，並且安排睇夜神樂也是很周到的。我俾70分！
沒有留言:
張貼留言