顧名思義血の池即係啲泉水係血紅色咁解，但點解係血紅色呢？據路邊社報導話，因為附近的土地是紅土，紅土溶入溫泉水之後，就會化身鮮血般的赤紅色啦.........
個地獄池附近有一張好得意0既石檯，係一張魔鬼頭的石檯............好趣緻！
路邊社亦都透露，這個日本最古老的景觀地獄溫泉泉水含大量礦物質，對皮膚病有療效，因此在旁邊設有0既足湯我哋又點會放過呢，一於再浸浸浸............真係浸到腳仔都滑哂呀！
地獄八：龍卷地獄
咁多個地獄之中，「龍卷地獄」個名最型仔，但亦都係地方最細的地獄，還要專門駕車才能由之前的地獄過來這邊，咁有咩咁特別呢？去片睇睇 ..........
我身後的一堆石頭就係龍卷地獄啦，點解冇溫泉水0既？
嚟啦！這個地獄每隔25 ~ 30分鐘就會噴出高熱泉水，大約噴10分鐘就會停。我哋一入到去個地獄職員就話俾我哋知要等 20 分鐘，所以我諗我哋到達0既時候剛剛爆發了一次，唯有等等啦！我哋坐下來等龍卷0既出現......等..........再等，真係等咗 20 分鐘個0的泉水就噴出嚟啦，個龍卷地獄同日本人一樣咁準時，話 20 分鐘就 20 分鐘。個地獄前面其實係有好多長椅俾觀眾坐下來觀賞，但我真係忍不住要行前同佢影返張靚相，等咗佢 20 分鐘，如果錯過咗又要多等廿幾分鐘。
參觀完八大地獄之後就開車前入大分巿啦！大約 1 小時車程。
去到大分巿我哋就周圍逛逛，行下啲商店仔。
行到大約八點左右，見肚仔餓餓哋，就在附近搵咗一間食拉麵的。
這次係九州之旅第一次食拉麵，聽講九州拉麵很有名的，就試一試吧！
果然好味，啲拉麵麵身很彈牙，與香港食到0既真的有點不同，而個湯底亦非常好味。
麵包媽點的拉麵就好似香港的撈麵一樣，只不過現在是撈拉麵，但也是非常好味。
住宿﹕東橫 INN 大分駅前 (5681円)
我估有部分來日本的香港人都有住過，不用多介紹。
沒有留言:
張貼留言