別府ホテル清風 --> 別府地獄 --> 大分巿 --> 東橫 INN 大分駅前
由於別府地獄總共有八個，而它們都分佈在不同的區域，其中有兩個地獄係要駕車才能到達，所以今天主要的景點都係八地獄。要參觀哂八個地獄，可以買套票，費用為每人 2000 円，而如果只想參觀某幾個地獄，每個地獄入場費為 400 円。
講咗咁耐都唔記得講咩叫地獄﹕如果人能夠浸的日本人叫它做「温泉」，但如果啲溫泉水太熱的話，令人不能浸的話，日本人稱呼為「地獄」，所以現在去睇0既全部都係睇得唔浸得0既地獄。別府八地獄的名稱分別為
- 海地獄
- 鬼石坊主地獄
- 山地獄
- かまど地獄
- 鬼山地獄
- 白池地獄
- 血之池地獄
- 龍卷地獄
地獄一：海地獄
一入到去海地獄就俾我發現到一樣好得意0既嘢，佢個名叫做「大鬼蓮」，即係好大好大0既荷花葉，睇介紹好似話大鬼蓮可以盛載一位小朋友而唔會沈的，真係神奇！我好想俾麵包囡試一試，不過現在只供參觀，冇得玩。
地獄入面真係好地獄，行經的地方會無端端有煙噴出，真係要小心啲行先得，否則俾佢蒸熟。
終於行到入去海地獄個真身啦！名副其實，整個地獄好似海0既顏色，如果唔知以為係個海灘，一跳入去就.................哈哈哈！個海地獄吊住一個竹簍，簍入面煮緊溫泉蛋呀！幾有趣。
地獄二：鬼石坊主地獄
其實是熱騰騰的泥漿，湧出時的圓形氣泡，好像和尚的頭頂，和尚日語為坊主，因而得名為鬼石坊主地獄！
這個地獄裏有足湯浸，我哋更係把握機會啦！麵包一家浸腳仔時間 ~~~~
地獄三：山地獄
睇書時介紹話山地獄長年累月由泉水中礦物質堆積成一座座小山，因而得名的。
負責人更利用地熱之便飼養了很多動物，例如以下這隻河馬。 下右方相片中係餵給河馬食的紅蘿蔔，每碟 100円，我哋又係要自動自覺地入錢，我見到好多日本人都好自律地入錢啊！我唔會影衰香港人0既，所以我都有入！
地獄四：かまど地獄
其實我都唔知這個地獄點解，因為佢係日文的。聽講這地獄的泉水顏色一年之內會有不同的變化，時綠、時藍等，原因仍未知道，好神秘呢。
昔日當地人使用這兒的泉水及地熱作為蒸煮食物之用。
聽講這地獄的蒸小食相當馳名，所以麵包媽都買了一隻溫泉蛋試試。好味！
這個地獄又有足湯，所以我哋又再次準備浸腳仔啦！麵包囡次次浸腳都好興奮，可能係有水玩啦。
地獄五：鬼山地獄
這個鬼山地獄相當利害，這地獄泉水湧出的壓力很大，足以推動兩節火車卡。
負責人又係利用地熱及泉水飼養鱷魚，其中一隻更長達五米，相當大隻，不過已製成標本，若果還生存的話都相當嚇人！
我估這裏都應該有過百條鱷魚 ~~~~
地獄六：白池地獄
這個地獄除了泉水白色之外就沒有什麼好看的，感覺好搵苯！
所以麵包囡都冇哂心機睇，顧住玩個水樽。
待續................
沒有留言:
張貼留言