嚟到旅程既最後一日，無乜特別行程，可能因為咁樣，所以悶親佢．．．．．．
所以，食完早餐就一齊放吓電啦～
去到Kid's Room幾乎係我地包晒場，講真，嚟到仲玩Kid's Room？！出去行街啦！
可惜既係．．．．．佢地真係鍾意玩多過行街．．．．．
麵包囡最愛煮飯仔，妹妹又要一齊！
煮好喇～食得喇～
同一層樓除咗有泳池外，仲有按摩池，環境唔錯，不過我地無用到～
乾蒸、濕蒸就唔少得啦～
麵包爸把握最後機會同妹妹去游水，佢覺得個泳池一流，但麵包媽就無享用過！
奶爸同奶娘今晚夜機先走，所以佢地仲有大把時間玩～
妹妹每次游水都會眼訓，但上咗水又會唔開心，佢真係好貪玩架！
因為我地搭1505既飛機返香港，所以12點Check Out咗之後都差唔多要去機場喇～
呢個磅數OK啦～仲有大把空間！
但可怕既時發生咗，班機要遲4個鐘先起飛！唉．．．．如果出發去機場之前知，咁我地可以玩多陣嘛～依家惟有周圍行吓啦～
最後等到悶，仲去咗按腳添，但價錢比出面貴一倍呢～
跟住我地就返香港啦～
沒有留言:
張貼留言