第一站：島原城
由 島原ステーションホテル 到島原城若果是步行大約只需十分鐘，不過我哋決定 Check out 完之後駕車到島原城，因為諗住睇完就立刻把握時間去下一個景點。
島原城並沒有熊本城那麼有名氣，但遠看這座日本古城，卻深深地吸引著我，小小的寧靜巿鎮裏坐立著一座古舊名城，這座島原城就好像在守護著這裏一切的寧靜一樣。之前去到熊本由於沒有時間去不到熊本城，今次又怎能放過去島原城一看日本古城的風采呢？
島原城有兩座主城，大的是第一主城，小一點的是第二主城，在第一主城外便已經有一個有料駐車場，停車場費為 500円。泊車的地方就已經對著主城的入口。嘩！好靚呀。
若要進入城堡的內裏參觀係需要另外再俾入場費用的，原本我都想入去的，但最終決定唔入，點解？睇埋下面啲相片再講。
我一入到門口，島原城職便問我想不想著這個日本武士戰甲，我當然想啦！我覺得日本的盔甲是很型的，今天竟然俾我可以穿上，我已經心滿意足啦，來到城堡的最大心願已達成，所以我已經不想再用錢入場啦。
係咪好型呀！一個帶眼鏡的日本古武士。
這個 Pose 係這裏的職員教我擺的，係咪好有日本武士勇救佳人 Feel 呢？
其實島原城總共提供了四套武士盔甲俾遊客穿上來拍照，但我最想穿的就是下面這一套，因為佢有埋個鬼面罩呀，我相信這套盔甲是一些高級的武將所穿的，不過這套只供觀賞而不供穿著的，唯有同佢拍張相吧！
這件黑武士是另一套供人試穿的盔甲，其實都幾靚0架，不過我覺得紅黑色襯我一點。
跟住我哋就過咗主城隔離的一座唔知係咩0既屋仔影相，這個古鐘係兒時一套叫「一休」的卡通片裏常常出現的。
遠距離再同主城影返張相！
古鐘襯美人.............正！
諗住上車走人之際，突然出現咗一個女忍者，嘩！超開心，連忍者都有埋，我立刻捉住個忍者拍照。
連麵包囡都冇理會到，我哋要同忍者再合照一張。
第二站：雲仙地獄
雲仙係位於長崎縣的，雲仙之所以叫雲仙係同我哋中國人有關的。相傳好耐之前，中國人來到日本的長崎與這裏的居民有貿易來往，當中國貿易商人第一次來到雲仙這個地方時，發現周圍都滿佈雲霧，就好似仙景一樣，所以就叫這裏「雲仙」。
為什麼這裡滿佈雲霧？咪就係因為溫泉地熱的關係囉！
這次就來到雲仙地獄，看看當年中國商人看到的雲霧。
這裡每一處地方都係會噴出地熱造成的蒸氣，真係好似置身於仙景之中。
大家有冇留意到，在這個仙景之中隱藏著一個十字架呢？自己搵下吧！
雲仙地獄其實也是一個溫泉鄉，若不是時間關係，我都很想在這裏浸一浸溫泉。下一次有機會的話，我一定會回來再浸的。
沒有留言:
張貼留言