今天將會去到九州很有名的熊本巿，由旅行人山莊到熊本需要2.5小時的車程，但我估計我可以 2 小時便到達。
第一站：熊本黑亭拉麵
由於車程需時的關係，當我們到達熊本巿時已經是下午十二時，所以我哋就去食好有名的黑亭拉麵。一去到之後就發現店外大排長龍，但冇辦法，我哋係專程來食黑亭拉麵的，就算條龍再長我哋都會等的，不過好好彩，我哋大約等了 45 分鐘就可以入座啦！
我同麵包媽各自叫了一碗拉麵，九州的拉麵確實有點不同，麵身很彈牙的，而拉麵的湯底也非常之好味道，我差不多連湯也飲哂。
麵包囡也食了很多很多呢， 我相信佢都覺得好好味。
第二站：上通町、下通町
原定我們會參觀日本三大名城之一的熊本城， 由於時間緊迫，加上麵包媽很少機會為到自己 Shopping，所以我哋就決定唔去熊本城，把握時間去逛上、下通町。上通町及下通町是熊本巿的一條很大很長的購物街，滿佈著大大小小的商店及商場，真係好啱香港的女士們逛上3 個小時以上。但對於我來說我寧願去熊本城，不過，確實這次九州之旅確實少了一些 Shopping 的地點，所以我都忍痛唔去熊本城，陪著一家大小逛逛上、下通町。
入到商場，唔知點解麵包囡對這兩隻公仔特別有興趣，攬實唔放手，仲鬼死咁開心添！
在上通町裏面看到日本的傳統舞蹈的表演，睇咗一陣就繼續逛！
去到其中一間的書店，書店出面擺放了一個石像，好似係一隻河童在看書，我見咁攪笑就影咗張相。
其實上、下通町同熊本城係好近的，由上、下通町的交接位都可以清晰地望到熊本城啊，這個情境都幾特別，古舊的名城加上時髦的購物街做成一個好強烈的對比，真有趣！
第三站：島原渡輪
跟住我哋就要乘搭渡輪過去長崎縣的島原，這班船的船期要捉得好緊，因為若果 miss 了一班，便要多等一小時再有下一班船啦！我哋要趕著下午 4:05 前到達碼頭。
大約開了 1 小時的車程便到達了碼頭，這次與上次櫻島渡輪有點不同，我要先用汽車排隊，再去買票。在入口的左手邊會有一間店，店入面就係售票處。
買了票之後我就立刻返上車，因為隨時都會開始上船啊。我哋兩個大人加埋部汽車總共係 2680円。
當上到船之後，就與上次櫻島渡輪一樣，所以唔講太多啦！
這個渡輪特別的地方是在乘客室那一層會睇到好多海鷗在海上飛來飛去，有些乘客還會餵海鷗添，以上所講的都是我在網上得知的，所以我們在上、下通町已早有準備，買了一袋車輪麵，怎料................整程船程都只係見過幾隻海鷗在海上飛，仲要唔理人，我餵哂麵包佢都唔理我呀！真冇引。
但在船上有一幕好攪笑的，當麵包媽抱著麵包囡時，隔離有一個日本妹妹坐著並食緊薯片，麵包囡一路都望實人哋.........包薯片，攪到日本妹妹都唔好意思，最後請了麵包囡食一塊，麵包囡真係失禮哂！食完之後又望住另一個食緊糖的姐姐..........唉！好為食呀 ~~~
待續.............
沒有留言:
張貼留言