旅行人山莊位於霧島的山林之中，最正的地方是它的溫泉，陣間會為大家介紹一下。
霧島神宮離這裡只不過是二十分鐘的車程，所以很快會到達目的地，沿途其實都發現很多的溫泉旅館，我相信這一帶都是很有名的溫泉鄉。
這裡的房間不論佈置及大小都與其他溫泉旅館差不多，我相信旅行人山莊的賣點不是房間，而是它的溫泉呢。
Check in 之後在房間整理好行李便立刻到處走走，第一個溫泉景點就係這個龍石之湯，這個是一個足湯，佢0既賣點就係面向著櫻島火山來浸腳，由於這旅館是在山林之中，所以望向櫻島火山時沒有任何東西阻礙你的視線，真係一樂也。
雖然是在室外，但泉水仍然是熱騰騰的呀！
跟住就係要介紹重點溫泉啦！赤松之湯，這個溫泉係要在訂房時預約的，每位客人只有一次45分鐘的浸浴時間，我就預約了下午 5 時正，所以我現在就去試一試啦，究竟有咩咁特別？睇睇就知啦！
入去赤松之湯後會經過一段路程才到達溫泉的，直至見到有一間屋仔，屋仔就係俾我哋更衣0既地方，穿過屋仔之後就係赤松之湯啦。
這個赤松之湯係位於山林之中，我哋在浸浴時是被整個森林包圍著的，由於我哋現在身處森林之中，我哋好有可能會見到野鹿0架。所以我哋一家人一邊浸一邊留意身邊有冇見到野鹿出現，不過，我哋只見到雀鳥而見不到野鹿，但已很滿足，因為除了在廣告裡見過劉德華在森林裏浸過溫泉外，我就冇見過其他人咁做啦，而家我竟然都可以好似劉華咁在深山裏浸溫泉............足矣！
其實我還影了很多麵包囡的浸浴照，不過可能有點三級，我都係唔放上來啦。
除了以上的足湯及赤松之湯之外，這裏還有兩個大浴場兼溫泉，一個係男湯，另一個係女湯，與其他溫泉旅館一樣，男女湯係會因應時段而互換的。
這個名為大隅之湯，由一個內湯及一個露天溫泉組成。內湯是一個美人湯，對皮膚白滑有很大的幫助，我就更係浸一浸啦。
而露天溫泉與龍石之湯(足湯)一樣面向櫻島火山，我很喜歡這個露天的溫泉，所以我在晚上及早上都浸了一次，兩次都有不同的感覺。
在晚上浸時，可能入夜了，所以整個露天溫泉都只有我一人享用，加上我身處高山上，所以有點點的涼風一邊吹著一邊=浸溫泉，真是享受，頭部被涼風吹著，下身就浸在「暖粒粒」的泉水之中，再眼望櫻島火山。正！
在早上浸時，外界的境色可以望得更遠更清，加上我在浸浴時出現了一條彩虹呀，由彩虹出現至消失我都在這個露天溫泉裏，可能這個 View 實在太好，我能夠看到整條的彩虹，而且還很清晰的，彩虹配櫻島火山，再加上露天溫泉，還有什麼可說呢？最衰我沒有帶相機，如果唔係我一定將這最美的一刻拍下來。不過現在用眼去欣賞也是一件樂事。
這是大隅之湯更衣的地方，整潔、整齊，換衫都換得開心啲。
最窩心的地方係在溫泉出面擺放了兩部按鈕椅，我同麵包媽浸完出來之後便立刻試試，最重要係佢係免費的。浸完溫泉再坐上按摩椅，我們差點就瞓著了，不過我們還要去食晚飯，所以強忍著不被睡魔急 CALL，不過麵包囡可能浸完溫泉太舒適了，所以出來不久便睡著了。
飯前浸一浸這個策略係成功的，因為麵包囡到現在還是抱頭大睡，我哋終於有餐安樂茶飯食啦！
旅行人山莊的大堂入口前有一條散步道，這條散步道係去兩個地方的，第一個地方係去另外兩個需要預約的溫泉，而另一個地方就係去睇一個名為花房之滝的瀑布。
一早起床，因為麵包媽及麵包囡都未起床，所以我就單人匹馬去會一會花房之滝。
以下這個係俾行完散步道的遊客洗一洗鞋底的，真係想得周詳！
原來由起步點到花房之滝係要行大約 500 米才到的，不單只遠而且係一啲難行的山路啊！好彩冇帶埋麵包媽同麵包囡一齊行咋，我見個名叫散步道，還以為好輕鬆添，點估得到係咁難行呢？
終於都到啦！唔好講咁多，咁辛苦才看到這個花房之滝，要睇返夠本呀。
沒有留言:
張貼留言