有一段係沿著海邊行走的，麵包媽便立刻影下海邊的浪勢，我們還見到很多的白頭浪呢。颱風威力真的唔係講笑，我一路都唔敢開得太快，因為開得快的時候，架車會被強風吹郁呀。
進入鹿兒島時看到有一段路的兩旁都是大型的 Shopping Mall，看見打風影響了大部分的景點又不想咁早便返酒店休息，所以就一於去逛大商場吧。
這間專買運動用品的商店非常之咁大間，籃球、足球、棒球、排球.............總之你講得出0既運動用品都有！嘩，正！
這只是店裏的一角咋！連部相機都唔能夠影哂，真係好大間。
好多大減價呀！
這隻 Adidas 的腳趾鞋好得意呀。
行完咁大間的運動舖，跟住就過咗隔離好有名的激安之殿堂！
這裡也有西松屋，我哋這次已經係第三次去西松屋啦。
逛逛下不經不覺都已經行咗好耐，有點肚餓，所以我哋就去咗激安之殿堂隔離的黑猩猩食店到食日本咖哩飯。嘩！真係好大碟呀，我咁有食力0既都食唔哂。
返到酒店之後休息一陣，原本諗住瞓覺，但見麵包媽好想食鹿兒島的名物 -- 白熊，所以決定不理大風大雨都再去天文館通食這裡的名物白熊。
食之前同店外的白熊影返張相先啦！
其實白熊即係牛奶碎冰冰，好似香港都有得食呢！不過始終日本啲牛奶都唔知點解咁好飲，可能新鮮啲掛。
食完白熊，返到酒店，等麵包囡瞓著之後我同麵包媽就一邊食杯麵一邊睇奧運！
沒有留言:
張貼留言