大約開了2.5小時的車程，終於見到櫻島啦，只要過埋這條大橋就會正式踏入櫻島。之前聽到一些在九州的香港遊客講櫻島火山大噴火山灰，而且都噴得幾嚴重，連住在櫻島的日本人都話好耐冇見過咁0既情況，估唔到咁都俾我遇見。櫻島火山其實是一個活火山，其實我都驚會唔會係就快火山爆發呢？
去到櫻島之後沿途一路都係火山灰，情況就好似落雪一樣，只不過由雪變為火山灰，連擋火玻璃都要不定時地開水撥將擋風玻璃的火山友撥走，街上的人也要拿著雨傘，可想得到情況如何。
開到這裏，就好似香港入隧道前一樣，先在收費處俾錢，再享用服務，這裡就是買票上船。
這次是我人生第一次連人連車一齊搭渡輪，整個程序其實都唔係好清楚點做，但只要跟大隊就應該沒有錯吧！以下就係排隊上船的情況。
在船裏的停車場，主要分為三行，泊車的次序係，左、右、中，所以一定唔會泊錯的。
泊好了車之後船裏的職員便會放兩塊木在車轆下來固定車輛以避免汽車溜後。
當上層停車場滿座之後就會開下層停車場，總共有兩層，滿車後便會開船出發~~~
當所有車泊好便開船出發，開船後除了可在車上等候之外還可以到上層的乘客室，我們一家就選擇到上層的乘客室，主要係因為乘客室內有冷氣的關係吧。
這渡輪的名稱是第五櫻島丸，咁我估計應該還有第一、第二等，怪不得可以隔十五分鐘一班船啦。
在船中回看櫻島火山，還看得見火山在噴出火山灰呀，唔知噴到幾時呢？
落船啦！指揮哥哥會指揮每一架車離開，所以我都好專心地睇他的手號等候離開船艙。
離開啦！再見啦第五櫻島丸。
第七站：天文館通
去過鹿兒島的人相信都一定會到訪天文館通，天文館通其實就係一條購物街，當我們行去天文館通的期間，看見一大團煙在空中，莫非有火警？放心，這不是火警，而係火山灰呀，因為鹿兒島與櫻島相距不遠，所以在櫻島火山的火山灰會飄到鹿兒島這裡，這個情境我相信只會在這裏才能看到，所以我就立刻影下來。
以下的就是天文館通，在街上的人都好似櫻島街上的人一樣要拿著雨傘及帶上口罩上街。
在天文館通的這間「我流風」係 TVB 到訪過的一間專食拉麵的店舖，我還見店裏掛著一支 TVB 的錦旗添呀！
這間賣糖果店是旅遊書介紹要來看看的一間。
可能我哋對糖果不是太過著迷，所以只是逛逛便算了！
天文館食堂是旅遊書介紹的其中一間食店，有大眾食堂之稱，不論食物質素、價格都令我覺得非去不可的，總的來說，四個字講哂價廉物美。
天文館食堂與一般 Food Court 一樣，係先揀食物再俾錢的，食物經過店員加熱之後便會送到你的桌上。由於價錢真的不是太貴，所以我們這餐可以豪食一番！
以下只是我們第一輪食的東西，第二輪我已經唔記得影相啦。
住宿：東橫INN 鹿兒島天文館第二 (6156円)
由於鹿兒島有很多值得去的地方，所以我們會在鹿兒島上渡過三日兩夜的。
沒有留言:
張貼留言