今天香港打三號風球，不過雨勢及風勢還不算太大，無阻我麵包一家出發的興奮心情。看看麵包囡幾開心，去到香港機場後還周圍走！
上機啦！由於我地係坐三座位0個邊，而第三個位又冇人坐，所以麵包囡可以獨霸一個座位！
當我哋上到飛機之後雨勢開始增大，所以我哋班機 delay 咗大約兩個鐘，起初以為自己唔好彩，但當到步之後才得知香港在黃昏時改掛了八號風球，相比之下，我哋真係好好好好彩，若真的在未起飛前改掛了 10 號風球的話，這個九州之旅就..............慘！感謝主！
原本我們乘搭的航班是先飛往上海，等兩小時後才轉機往福岡的，我家一心諗住會苦悶地在上海機場等等等！但由於在香港上已 delay 了兩小時，故當我們抵達上海時，已經到了轉機時間，我們還要非常趕急地飛跑去轉機，結果係人趕得及，但行李趕不及，當我們到了福岡機場之後才知道我們的行李還在上海，航空公司的職員話俾我哋知需要兩天後才能把行李送回我們！Oh ............. 怎會想到是這樣發生的呢！現在的心情真的好像下面福岡機場景點個公仔一樣無奈，我們已是最後一班機，不會再有飛機到逹福岡機場。冇辦法啦，唯有先去酒店先吧，臨走前航空公司職員還給了我們4,000日元以作賠償，總算有個交代！
其實諗諗下冇咗件大行李未嘗唔係好事，因為我們行動輕鬆了很多，若果又有大行李，又需要照顧麵包囡搭車，可能會吃力一點！向好方面想！讚！
由福岡國際機場去博多巿，先需要乘搭接駁巴士(免費的)到國內線，再在國內線福岡空港駅轉乘地下鐵。
這就是總站福岡空港駅。
搭兩個站便會到達目的地博多站.............五分鐘就到，非常方便！
第一晚住的酒店就係超平的東橫 INN
見有點肚餓，我哋一家就落去附近的 Family Mart 買小小嘢食，食完就一家瞓覺，等待明天正式展開九州的旅程！
待續.................
沒有留言:
張貼留言