4月9日一大早就要到機場，出門口時還落下雨，好彩麵包一家都冇滴濕。
到咗機場，麵包囡真係興奮都不得了，佢對機場的每一樣東西都感到好奇，玩得好開心，還吸引了其他小朋友一齊添！
上到飛機麵包囡第一樣要做的就是..................
一到步之後，立刻就有個的士大佬走埋嚟問我地去邊，我話我地去悅榕莊，的士大佬就話要150人仔，好彩麵包太太一早就已經上網搵資料，知道由機場到悅愹莊只係大約80元人仔，麵包太立刻施展佢講價的本領，最終我地以100元人仔上了的士。
一到步後，便立刻有服務員為我地搬行理，而我地就入去 Check In，好彩幫我地 Check In 的服務員姐姐係香港人，因此我地全程可以用返廣東話，在 Check In 時，服務員仲俾咗一杯好似椰青水的飲料，麵包囡仲飲得好開心添！
這次三亞之旅，麵包一家總共住四晚，首兩晚會先住悅榕莊的 Pool Villa，之後兩晚就轉住 Deluxe Pool Villa。麵包太話 Banyan Tree 好有名氣的，所以我都好期待睇睇個 Villa 有幾靚。
睇完個泳池之後，就入屋睇睇啦！當我一入屋，我就見到床上擺放咗一啲用花瓣及葉砌成的 "Happy Anniversary"，因為麵包太訂房時，話入住當天係我地結婚週年紀念，所以酒店送了這個小驚喜給我們。
打點好一齊之後，我地決定周圍逛逛，先去沙灘 Bar 睇睇先。
去到沙灘 Bar ，有位服務員同我地講，每天由6:00 ~ 7:00 沙灘 Bar 都會預備汽水、啤酒及小食，俾客人一路飲一路睇日落，當然所有嘢食都係任飲任食啦。聽到任飲任食，我地麵包一家梗係唔執輸啦，一早點霸頭位睇日落！
沙灘 Bar 隔離就係好大大大大大大0既公家泳池。
真美的日落呀 ~~~~
完日落係時候食晚飯啦，我地第一餐係去悅榕莊的明月餐廳享用豐富的晚餐。
先來個麵包囡最鍾意食的餐前包包。
今晚我地叫了一個夏威夷 Pizza，一客肉醬寛條麵。我同麵包太都估唔到咁大碟，連一向大食的我都食唔哂，最後需要打包佢返房慢慢食。
我地一返到房間，發現床上面有一件小禮物，係一隻海龜豆豆公仔，好得意！
驚喜簡直係一浪接一浪，轉眼睇睇書枱，我地發現有一個心形朱古力蛋糕，上面還寫住 Happy Anniversary，真係好渦心呀~~~
由於剛剛食完豐富晚飯，實在食唔落嚟個咁靚0既朱古力蛋糕，唯有留待明天吧！
一家大細沖完涼都差不多11:00有多，再餵麵包囡食埋奶，大家都帶著疲倦0既身軀瞓著啦！
待續........
沒有留言:
張貼留言