由高千穗峽駕車到宮崎巿的車程需要 2.5 小時，這次應該係整個行中最長車程的其中一程，今次真係辛苦，我差點瞓著啊！
經過長途的車程之後，終於到達目的地啦，宮崎神宮有無料的駐車場，所以我哋泊了車後就立刻落車逛逛，可能坐得太久啦！
一去到神宮的外圍便有一個潔淨洗手的地方，麵包囡一見到便立刻走過去玩水。
次次玩水都笑到見牙唔見眼。
行到神宮的門前又有一個洗手潔淨的地方，今次因為麵包囡唔夠高，所以麵包媽便抱起囡囡洗洗手！
這個神宮沒有什麼特別，加上太熱，所以只是在神宮裏影幾張相便算了！
細路仔真係夠精力，咁熱咁曬都仍然玩到癲哂，還舉起食指大讚好玩！
行完宮崎神宮之後就立刻返回酒店 Check in，沖個涼之後便再出來逛逛，睇下有什麼好食、好玩的！
這間太郎花子是旅遊書介紹的，店裏所賣的是一些舊式玩意，所以特地過來看看。
跟著我們又到另一間旅遊書介紹的店舖，這店舖主要係買生果及生果製成品的，我們在這裏買了一個橙，都幾貴0架，要150円一個呀！再買了兩件果撻，都幾好食。
最後我們到酒店附近的一間叫山小屋的拉麵店食拉麵。
住宿﹕東橫INN宮崎站前 (5681円)
沒有留言:
張貼留言