一早起來，梳洗完後，便到二樓享用自助早餐。
奶爸、麵包囡及妹妹一早便要來個大笑合照。
這裡的自助早餐確實豐富，環境也相當不俗。總的來說，整個泰國之旅的自助早餐，最欣賞的就是這裡。
這個 Pancake 機很方便，按制後稍候片刻，便有熱騰騰的 Pancake 了。
吃過早餐後，我們便到酒店的室外人造草地走走。
麵包囡最是歡喜，因為她喜歡跑跑跑！
這便是酒店的一個大大的賣店，一個擁有無敵巿景的大泳池，這也是我最期待的啊！
在大游池旁還有一個按摩池呢！
然後我地就放低奶爸，一齊出去有曼谷東門之稱既Plantinum Mall～
我地搭BTS先去到Asok站。
呢次亦都係旅程中第一次搭BTS！一齊買飛先啦～
張飛其實同香港既地鐵飛差唔多。
麵包囡第一時間揸住影張相先啦～
因為要血拼，所以帶定BB車，免得麵包囡扭計破壞興緻～
要曼谷既BTS站都有幕門，相當安全！
要去到我地既目的地，先要經過兩大商場，有去過曼谷既人應該唔會陌生，
但我地目標清晰，向住目標直衝！
話雖如此，但到此一遊相點都要影返幾張～
其實裡面都係名店多，已經被東門化既麵包媽同奶娘，又點會睇得上眼呢～
終於到達目的地喇～大家睇下幾多人就知佢有幾吸引！
由於我地時間有限，惟有分道揚鑣啦，一陣見～
咁確實係既，依家既麵包媽，睇得最多既當然係兩個麵包囡既衫同飾物啦，奶娘又點會啱睇呢？！
淨係童裝都已經有成層喇～
麵包囡都一齊shopping ～
好快咁點到心水野之後，我地就戰Big C，呢個大超級市場，一直都係麵包爸爸既至愛！
我地好多手信都係喺度買，貪佢又多又齊又夠平！途中我地仲遇到呢件熊仔派糖添，麵包囡又點會執輸，攞咗幾包之餘仲要影埋張相先啦～
麵包囡就梗係想買糖啦，我地當然唔比啦～
Big C最勁係有埋衫買，麵包囡又行埋去揀喇～
Big C 樓下就有 Boots，今次輪到麵包媽失控喇～
約好奶爸兩點喺酒店等，我地惟有急急腳回程啦，返到酒店，麵包囡太肚餓喇，惟有食住手信充飢先啦～
成塊成塊咁食，一睇就知好食啦～
稍稍休息咗一陣，就出發去我地Late Lunch 既地方Audrey Cafe～
其實呢間野係之前麵包媽同奶娘去泰國既時候已經食過，我地今次再嚟，大家就知佢正啦～
地點係比較偏僻，但我地覺得值既～
外面仲有個小花園，對出又無乜車，其實都舒服架，如果唔熱既話。。。。。
雖然話係復活節，但日日都三十幾度，我地都係坐室內喇～
不如叫嘢食先講啦．．．．．
佢有好多Home Made既糖果、曲奇同蛋糕，本來好想試，但，泰國既甜點實在太甜，都係唔好喇．．．．．．
唔知係咪因為我哋有訂桌，所以位置都唔錯，自成一角，帶住兩個麵包囡，都唔會太嘈住其他人～
咁難得奶爸肯配合，奶娘即刻交足戲啦～
妹妹因為之前Shopping時已經訓飽，所以好精神咁等食，可憐既麵包囡就．．．．．
食完之後，下一站就係Night Market喇！呢個Night Market最特別既地方係要坐船入去既，所以我地就搭的士去碼頭先～
聽人講，其實都可以坐車入去既，不過可以坐船欣賞下四周既風景都幾好～
唔知係咪因為係禮拜六，所以真係好多人，我地差唔多排咗半個鐘先上到船！
仲要係企位喎。。。。不過算啦，其實好快就到～
落咗船，已經被旁邊既餐廳所吸引～
好多大型既佈置，令到成個場都好有氣氛～
呢度仲有個好大型既摩天輪添～
呢度有好多好有特色既小店，真係要行一晚先行得晒～
呢度雖然無冷氣，但因為樓底高，通風都唔錯～
除咗食野同賣衫之外，仲有好多好靚既家品！
唔記咗係咩咯，只見麵包囡好投入咁玩，大家一定陪佢啦～
歐洲好流行既街頭藝術，你要比錢佢，佢先肯比你影相架～
麵包囡手上既就係從奶爸身上呃返嚟既禮物喇～所以我有理由相信，如果奶娘生個女出嚟應該會好大件事！
除咗Big C之外，我地都喺呢間舖度買咗好多手信，我地格過價，係比出面平少少，不過嗰少少錢唔係最重要，而係佢可以幫我地Pack好晒一箱箱，方便我地寄倉～
你睇麵包囡成頭濕晒，為咗佢，我地買咗個椰青．．．．．成家一齊飲既～
講真，呢度可以影相既景唔多，一出現，麵包囡都一定唔放過！
行行下我地仲見到有一大班女仔表演，佢地年紀有大有細，好似女子十二樂坊咁～
百厭既麵包女，真係睇少一陣都唔得～
麵包媽同奶娘把握時間血拼，咁爸爸同奶爸點算好呢？！
佢地就去咗搵．．．．．．
唔係搵酒飲．．．．．
唔係搵歌聽．．．．．．
更唔係搵足球機．．．．．．
佢地目標好清晰！
就係呢張波枱！
玩咗成晚，男既開心、女既又開心，真係正呀！
